22/10/2013

Un padriño de luxo

Un padriño de luxo

O IES Monte Castelo de Burela tivo honra de contar cun padriño de luxo o sábado pasado na apertura oficial do Curso 2013-14 de formación de adestradores, da Federación Galega de Fútbol. O seleccionador nacional, José Venancio López Hierro, estivo acompañado polo directivo do Comité de Fútbol Sala da FGF, José Luís Sáez, e o coordinador dos ciclos e director da ED Burela FS Pescados Rubén, Alfonso Mera.



Baixo o título ‘Planificación e organización da Selección Nacional Absoluta. Mundial de Tailandia 2012’, Venancio López abordou, entre outros temas, as funcións do corpo técnico da selección, a programación de Tailandia, o perfil dos xogadores seleccionables e a valoración e análise da participación dun xogador no xogo. Ademais do futuro alumnado, tamén asistiron ao relatorio corpos técnicos, xogadores e xogadoras do CD Burela FS Pescados Rubén, así como afeccionados.



O técnico da Vermella pechou a súa visita en Burela presidindo o palco de autoridades de Vista Alegre, no trepidante empate do CD Burela FS (2-2) ante o gran campión de Primeira División LNFS, FC Barcelona Alusport.



 



Inicio lectivo



Este será o terceiro ano que o IES Monte Castelo acolla cursos baixo a organización da Federación Galega de Fútbol, cuxo inicio lectivo 2013-14 está programado para comezos de novembro. En marzo de 2012, o seleccionador nacional xa participou na formación de adestradores impartida en Burela, cunha lección magistral centrada na táctica e o liderato.



A matrícula para os ciclos de Nivel 1 e 3 aínda estará aberta uns días. O de Instrutor de Fútbol Sala Base Nivel 1 pechará o venres 1 de novembro e o de Adestrador Nacional de Fútbol Sala Nivel 3 estará aberto ata o luns 4 de novembro.



PARA MÁIS INFORMACIÓN CONTACTEN CON ALFONSO MERA (670321857)

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.