15/09/2013

O Atlético de Madrid campión da XI Supercopa de España

Non puido ser. O Atlético de Madrid proclamouse campión da XI Supercopa de España tras caer derrotado en Vista Alegre por 2-0 ante un Burela Pescados Rubén que xogou ben as súas bazas e acariñou a opción da remontada. O resultado do choque
O Atlético de Madrid campión da XI Supercopa de España



   O Burela Pescados Rubén afrontou o reto da remontada arroupado pola súa afección e mostrou coraxe para discutir o título a un conxunto rojiblanco conservador. A punto estivo o Burela de aproveitar esta circunstancia para dar a sorpresa, a falta de acerto nas ocasións xeradas impediu aumentar a dose de emoción e incerteza polo título.

 

  No primeiro periodo a intensidade e o aspecto defensivo foron protagonistas. As madrileñas expuxeron pouco en ataque, en busca dunha contra que difuminara a remontada laranxa. Pola súa banda, a escuadra dirixida por Quico Otero buscaba a súa oportunidade para iniciar a escalada e gozou dun par de ocasións por mediación de Lidia e Lara. Co bonus roxiblanco de faltas completo, Lidia dispuxo dun dobrepenalti, minuto17, que lanzou demasiado alto. Sen movemento no marcador chegouse ao descanso.

 

  No segundo acto, as burelás intensificaron o seu dominio e chegou o tanto de Peque a pase de Bea Mateos, minuto 22, que abría un buraco á esperanza. O choque transcorría con demasiadas imprecisións por ambos conxuntos e Quico Otero, a doce minutos do final, decidiu apostar polo xogo de cinco. No minuto 29, Ju Delgado foi expulsada por dobre cartón amarelo e o Burela logrou sacar proveito a superioridade numérica. Antes, as roxiblancas gozaron dunha gran ocasión de Anita Luján cuxo disparo golpeou ambos paus. Maite non perdoou e marcou o 2-0 pescando un balón solto no área visitante.

 

  O 2-0 aumentou a intensidade de Vista Alegre e un Atlético dubitativo entregouse definitivamente á procura de contragolpe mortífero. As mariñás que mantiñan a súa aposta de cinco en busca dun terceiro gol que alimentase a esperanza non se rendían. Coas locais envorcadas, o Atlético logrou conectar unha contra pero Patri gañou a partida no man a man con Natalia. No tramo final, chegaron as mellores ocasións laranxas para escalar na remontada pero a escasa definición impediu complicar o triunfo madrileño.

 

 

FICHA TÉCNICA
    
Burela Pescados Rubén: Patri, Claudia, Peque, Bea, Maite –cinco inicial- Lidia e Lara.

Atlético de Madrid: Belén, Ju Delgado, Anita Luján, Ro, Cris Llano –cinco inicial- Rocío Sevilla, Leti, Natalia, Fabi e Jenny.

Goles: 1-0, m.22, Peque; 2-0, m.31, Maite.

Árbitros: Presedo García e Amor Vizoso. Colexio galego. Amonestaron con cartón amarelo a Peque, do Burela Pescados Rubén. No Atlético de Madrid expulsaron a Ju Delgado por doble cartón amarelo

Incidencias: Partido de volta da XI Supercopa de España disputado no pavillón Vista Alegre de Burela. 800 espectadores. Ademáis dos representantes da Real Federación Española de Fútbol,  institucións e organismos oficiais; cabe destacar a presencia na final do seleccionador nacional de fútbol sala, José Venancio López Hierro.


Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.