15/09/2013

Vitoria solvente

O Burela Pescados Rubén liquida con autoridade o seu primeiro desafío ligueiro cunha vitoria por 1-3 na pista do Peñíscola Bodegas Dunviro.
Vitoria solvente

   A escuadra dirixida por Juanlu anulou o empuxe inicial dos levantinos e no ecuador do primeiro tempo encarrilou a vitoria con goles de Matamoros e Mimi. O estilete laranxa sacou o seu fusil a relucir para lograr o 0-1 e Mimi marcou a porta baleira tras presionar e roubar o esférico a Gus para establecer o 0-2.  O Burela Pescados Rubén mandaba no electrónico e apropiouse tamén do control do xogo ante unha escuadra local impotente ante a superioridade visitante. Juanma certificou o dominio burelés co 0-3, minuto 14, nunha brillante acción colectiva. Aínda que os laranxas seguiron xerando ocasións, ao descanso chegouse co 0-3.



 



    Na continuación, os locais intentaron apertar a un Burela que respondeu con posesións longas e apoiado na súa seguridade defensiva neutralizou calquera perigo levantino e ata puido aumentar a súa renda aínda que sen éxito. O Peñíscola intentou reaccionar co xogo de cinco pero únicamente logrou o seu obxectivo nos instantes finais por mediación de Juanqui que selou o 1-3 definitivo.



 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.