30/08/2013

Vista Alegre descobre o Horizonte Laranxa 2013-14, con Burela FS-Inter Movistar (sábado 31, 20.30 horas)

Vista Alegre descobre o Horizonte Laranxa 2013-14, con Burela FS-Inter Movistar (sábado 31, 20.30 horas)

O pavillón Vista Alegre descubrirá mañá o Horizonte Laranxa da Primeira División LNFS 2013-14 coa visita do recoñecido Inter Movistar. Despois de catro semanas de adestramentos, os protagonistas laranxas presentaranse ante a incondicional bancada mariñá; saltarán á pista ás 20.30 horas.
 
A posta de gala do novo cadro de Juanlu será a quinta cita amigable da pretempada. Juanma, Edu, Christian, Iago Míguez, Matamoros, Mimi e Isi conservan a filosofía dun bloque ao que se incorporan a revelación de David ‘Burrito’ e Antoñito, do Caja Segovia, e Hugo e Álex, do Santiago Futsal. Na dinámica de preparación tamén se internaron a promesa laranxa Carlitos e o meta do Burela FS B Brais, xunto aos xuvenís Diego ‘Alemán’, da familia laranxa, e Ismael, do Vilalba FS, e o madrileño Jorge García, que na tempada pasada militou no Andorra e Brihuega.


A entrada será gratuíta para os SOCIOS laranxas (imprescindible presentar carné de abonado 2013-14). A taquilla para NON SOCIOS estará aberta dende as 19.30 horas (10 euros/adult@, 3 euros/menor de 18).


Trofeo Vila de Cedeira. Tras a festa de Vista Alegre, a escuadra mariñá comezará a semana, o martes 3 de setembro, co I Trofeo Vila de Cedeira, medíndose ao Parrulo FS, de Segunda (pavillón municipal, 19.00 horas).


Memorial Coto Ferreiro. O Burela FS Pescados Rubén rematou subcampión onte  no Memorial Coto Ferreiro da Estrada. O cadro de Juanlu derrotou na primeira semifinal o equipo anfitrión, o Vasan Cubik A Estrada por 0-1. Na gran final bateuse co Santiago Futsal, que venceu en semis ao Azkar Lugo tamén por 0-1; os composteláns alzáronse co título por 0-3. Na pelexa polo terceiro e cuarto posto, repetiuse o marcador, 0-3, favorecendo os intereses transportistas sobre A Estrada.


Participaron nas filas laranxas Edu, Álex, Mimi, Iago Míguez, Isi, Juanma, Hugo, Antoñito, Carlitos, Alemán, Isma e Jorge García. Hugo tivo que retirarse por unha escordadura de nocello nos primeiros minutos de xogo co anfitrión.


Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.