07/06/2013

Un festexo moi especial

Un festexo moi especial

Os usuarios/as da Asociación de Axuda ao Enfermo Mental da Mariña ofrecéronlle á gardameta laranxa Patri un festexo moi especial polo dobrete da Liga e da Copa de España. O colectivo brindoulle un gran recibimento á xogadora hai uns días no seu centro de Burela, onde Patri realiza xornadas de voluntariado de atención sociosanitaria dende o mes de xaneiro.



Xunto á porteira, tamén compartiu a festa cos integrantes da asociación o director da ED EON Burela FS Alfonso Mera. Todos os usuarios/as puideron ver a prezada Copa e fotografarse con ela.



A presidenta da asociación, Iris Castro, e a coordinadora de Burela, María José Nóvoa, fixéronlle entrega á homenaxeada de dous agasallos elaborados polos membros do colectivo, en recordo dos títulos. Patri quixo mostrar o seu agradecemento regalándolle ao centro unha camiseta co seu dorsal tamén para a lembranza.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.