31/05/2013

Proclamación de nova Xunta Directiva (sábado 1, 13.30 horas)

Proclamación de nova Xunta Directiva (sábado 1, 13.30 horas)

Dende mañá o presidente da entidade laranxa será Manuel Blanco Fanego. Ás 13.30 horas, o CD Burela FS Pescados Rubén pechará o calendario electoral iniciado o pasado 1 de maio  proclamando  a nova Xunta Directiva (salón de conferencias de Burela, 13.30 horas), de acordo co artigo 6 do regulamento electoral.



A única candidatura presentada foi a encabezada por Manuel Blanco, ata agora vicepresidente e tesoureiro da entidade. José Luis Sáez Castro, antigo director xeral e vogal, asumirá a vicepresidencia; Antonio Couto Díez manterase como secretario e Rubén Blanco Fernández, fundador de Pescados Rubén, únese ao proxecto como tesoureiro. José Ramón González Casas deixará a presidencia para incorporarse á lista de vogais, xunto á continuidade dos empresarios Auditor Rodríguez Lombardía e Javier Cora Díaz e o funcionario Marcelino Luna Almarza; o regreso de Luis Antonio Guillén Menéndez, empregado de Alcoa, e Alberto Fernández Rouco, traballador da construción, que xa formaron parte da historia directiva da entidade; ademais das novidades dos empresarios pesqueiros  Ángel Véquez Fernández e Lino Quelle Casariego, a nutricionista Alba Vila Reija, José Ángel Dovale Gradaílle, traballador de Liteyca, e Carlos Neira Pena, fundador de Frenos Carpe.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.