15/05/2013

Recepción ás campioas de Primeira na Deputación de Lugo

Recepción ás campioas de Primeira na Deputación de Lugo

O vicepresidente da Deputación de Lugo, Antonio Veiga, recibiu onte pola tarde na Deputación de Lugo as xogadoras, equipo técnico e directivos do Burela FS Pescados Rubén, que veñen de proclamarse campións da liga de Primeira División RFEF. Antonio Veiga deulles persoalmente os parabéns ás xogadoras e afirmou que “o Burela FS Feminino vén de facer historia ao ser o primeiro equipo lucense de deporte colectivo que gaña o título nunha competición a nivel estatal. O mérito do acadado por estas rapazas é inmenso, mais tiña que ser así, que a maior alegría para Lugo dun deporte de equipo viñese da man dun conxunto feminino”. 



Na recepción oficial tamén participaron a vicepresidenta segunda da Deputación, Lara Méndez; o responsable da Área de Cultura e Turismo, Mario Outeiro; e a deputada Elena Candia. No acto, Antonio Veiga dirixiu unhas palabras de agradecemento “a estas rapazas e mulleres “mariñeiras” do Burela FS que moven o balón con tanta destreza como moitas mulleres burelás e mariñás moveron con sacrificio os bonitos no porto ou nas conserveiras, construíndo día a día a Burela que hoxe coñecemos”.



 



Máis información na Deputación de Lugo

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.