03/05/2013

Cesinha non seguirá no CD Burela FS Pescados Rubén

Cesinha non seguirá no CD Burela FS Pescados Rubén

O pivote César Augusto May Xavier (Sao Paulo, 1985), máis coñecido como Cesinha, non seguirá no CD Burela FS Pescados Rubén. O brasileiro, que regresará mañá ao seu país, chegou ao club mariñán como reforzo do mercado de inverno en decembro de 2012, con contrato ata final de tempada, despois de compartir a preparación do equipo durante a parada ligueira do Mundial de Tailandia. Durante a competición en Primeira 2012-13, disputou 13 partidos, 6 deles como titular, e anotou 2 goles.


Dende a súa terra, o pivote deu o salto ao fútbol sala ruso hai cinco anos; tras unha tempada no Politech de San Petersburgo, disputou dúas superligas no CSKA Moscú, para regresar despois ao Politech, nos dous últimos exercicios.


O CD Burela FS agradece ao xogador o seu traballo durante a tempada e deséxalle sorte na continuidade da súa traxectoria deportiva.


Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.