09/04/2013

Xunt@s, na busca do título de Primeira

Xunt@s, na busca do título de Primeira

A falta de seis xornadas para o remate ligueiro, o Burela FS Pescados Rubén de Javier Pardeiro segue dependendo de si mesmo para incluír na vitrina laranxa o primeiro título da elite futbolística para a entidade. A dous puntos do Atlético de Madrid Navalcarnero (57) e coa xornada de descanso pendente para ambas as escuadras, o cadro burelista pode dar moito que falar. Este sábado (18.30 horas) comeza o gran reto, con entrada gratuíta para a chegada do Centelles á bomboneira e o descanso das madrileñas.



Para agradecer o apoio demostrado durante toda a tempada e seguir pelexando por chegar o máis alto posible, co ambiente especial da afección laranxa, o Burela FS Pescados Rubén ofrecerá acceso libre na Primeira División Feminina ata o final da liga. Vista Alegre tamén abrirá as súas portas con entrada gratuíta o día 27, co Ciudad de Alcorcón, e na penúltima xornada, na posible loita definitiva pola primeira praza, coa visita do Atlético de Madrid Navalcarnero. O equipo laranxa descansará na última xornada.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.