09/02/2013

O Triman curta a serie ascendente do Burela Pescados Rubén

Derrota do Burela Pescados Rubén na cancha do Triman Navarra (5-3) que corta a racha positiva do conxunto mariñano. O reto de Anaitasuna agardábase complicado e así se puido observar coas cámaras de Marca TV de testemuña.
O Triman curta a serie ascendente do Burela Pescados Rubén
O encontro comezou con intensidade e cun duelo de artilleros. Rafa Usín adiantou aos navarros no minuto inicial pero Matamoros sacou a relucir o seu rifle para igualar a contenda, minutos dous de partido. O control do xogo non tiña dono e no ecuador do primeiro periodo emerxeu de novo a eficacia laranxa. Tras driblar ao seu par, Matamoros desenfundou a súa zurda para enviar o esférico á escuadra. O Burela Pescados Rubén invertía o marcador tralo golpe inicial dos navarros que responderon con premura. Ximbinha logrou o empate nun lanzamento directo de falta. Co 2-2 chegouse ao descanso. No segundo acto, os de Imanol Arregui aumentaron a intensidade e presionaron con maior dilixencia ao conxunto de A Mariña que non atopaba o pulso do partido, aínda que Edu mantiña viva a esperanza laranxa ata a aparición de Araça. O brasileiro plasmou no marcador o dominio do seu equipo, minuto 23, refrendado por Roberto Martil (4-2) que culminou unha excelente xogada de Jesulito para levar a tranquilidade a Anaitasuna. Os locais controlaban o ritmo aínda que o Burela non se rendeu e Enrique levou o nerviosismo á grada tras marcar un golazo de falta directa, minuto 36. Julio Delgado apostou polo xogo de cinco pero a sentenza chegou por mediación de Carlitos, ao transformar un doblepenalti que supuxo o definitivo 5-3.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.