08/02/2013

Anaitasuna. Desafío laranxa con Marca TV de testemuña

Anaitasuna. Desafío laranxa con Marca TV de testemuña
O Burela Pescados Rubén busca a confirmación da revolución laranxa ante as cámaras de Marca TV, sábado día 9 ás 13.00 horas, e na complicada pista do Triman Navarra. A escuadra dirixida por Julio Delgado preséntase en Anaitasuna no seu mellor momento da tempada. Dous empates consecutivos e a primeira vitoria na Primeira División permitiron aos de A Mariña abandonar o farolillo vermello e recuperar a confianza. Cada xornada é un reto para os mariñans e nesta ocasión non vai ser menos. Os navarros chegan a este encontro, correspondente á décimo sexta xornada, tras caer derrotados en Zaragoza aínda que situados na quinta posición, 30 puntos, da clasificación. O conxunto dirixido por Imanol Arregui ofrece a súa mellor versión en Anaitasuna onde o todopoderoso FC Barcelona probou o amargo sabor da derrota para deleite da animosa afección navarra.

O Burela Pescados Rubén quere prolongar a súa dinámica positiva e estrear a súa cuadrícula de vitorias a domicilio. Os elixidos para o duelo son: Edu, Iago Barro, Enrique, Hugo, Nacho, Matamoros, Mimi, Isi, Silva, Iago Míguez, Juanma e Cesinha.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.