05/02/2013

Paula Cortiñas, de branco e azul

Paula Cortiñas, de branco e azul

A prometedora Paula Cortiñas (Cervo, 1996) cambiará esta semana a camiseta laranxa pola branca e azul. A pivote burelista representará a Galicia no Campionato de Seleccións Autonómicas Sub-17, que acollerá a localidade gaditana de Chiclana de la Frontera (6-10 de febreiro).



A expedición irmandiña, que realizou o último adestramento o domingo pasado, puxo rumbo a terras andaluzas esta mañá dende A Coruña. Xunto a Paula pelexarán polo título María Romero, María Arias e Antía Piñeiro, do Cidade das Burgas; María Gómez, do Viaxes Amarelle; Olga Grande, do Ponte Ourense; Diana Vanesa Díaz, do Valdetires Ferrol; Nerea Ramallo, Belén Feal e Laura Doce, da Fervenza; Raquel Rodríguez, do Leis Pontevedra; e Nerea Moldes, do Poio FS.



O combinado de Manuel Castillo estará integrado no Grupo C, xunto Cantabria e Cataluña. No A, xogarán A Rioxa, Navarra e Madrid e no B competirán Murcia, Aragón e a anfitrioa, Andalucía.



O polideportivo Costa Sancti Petri acollerá o evento; a primeira fase disputarase entre mañá e o venres; ás semifinais do sábado accederán os campións de grupo e o mellor segundo e a final  será o domingo.



 



Mércores 6 de febreiro



18.00 horas: Cantabria-Galicia



Xoves 7 de febreiro



18.00 horas: Perdedor Cantabria/Galicia-Cataluña



Venres 8 de febreiro



12.30 horas: Cataluña-Gañador Cantabria/Galicia



Sábado 9 de febreiro



10.30 horas: 2º mellor clasificado-1º Grupo B
12.30 horas: 1º Grupo A-1º Grupo C



Domingo 10 de febreiro



11.00 horas: FINAL

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.