Actualidade
O aire cálido tamén sopra nas categorías de base
A Mariña estivo esta fin de semana baixo un anticiclón deportivo; o aire cálido que asolagou as competicións laranxas sénior con boas novas, tamén soprou nas categorías de base.
En Nacional Xuvenil, o conxunto de Lucas recolleu un traballado empate ante o líder, Azkar Lugo (5-5), que lle permite seguir pisándolle os talóns para asaltar a primeira praza en calquera momento.
En Autonómica houbo pleno de resultados favorables para os laranxas. O envite xuvenil e cadete ante O Parrulo FS decidiuse por 4-3 e 4-2 respectivamente; nunha fin de semana bastante atarefada, os cadetes tamén se impuxeron ao Club del Mar (6-2). O luminoso laranxa por excelencia da xornada foi para os infantís, que venceron 12-2 ao Meigallos FS.
As boas vibracións tamén proliferaron en Deporte Escolar, con tres vitorias e un empate. O Cadete B gañou 3-4 ao Pilar, o Infantil B impúxose ao Ribadeo FS (3-0) e o Alevín B fixo o propio co EDM Mondoñedo (2-1); o encontro entre o EDM Riotorto e Infantil A rematou en táboas (1-1).
Na Liga Prebenxamín da Mariña, Celeiro Xove FS e ED EON Burela FS remataron 3-3.
Liga Nacional Xuvenil
Azkar Lugo 5-5 Burela FS
Liga Autonómica Xuvenil
Burela FS 4-3 O Parrulo FS
Liga Autonómica Cadete
Burela FS 4-2 O Parrulo FS
Burela FS 6-2 Club del Mar
Liga Autonómica Infantil
ED EON Burela FS 12-2 Os Meigallos FS
Deporte Escolar
O Pilar Cadete 3-4 Burela FS Cadete B
EDM Riotorto Infantil 1-1 ED EON Burela Infantil A
ED EON Burela FS Infantil B 3-0 Ribadeo FS Infantil
ED EON Burela FS Alevín B 2-1 EDM Mondoñedo Alevín
Liga Prebenxamín da Mariña
Celeiro Xove FS 3-3 ED EON Burela FS
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas