O Burela FS desfai a maldición en Gironella e marca distancias no liderado (0-1)
O Burela FS Pescados Rubén desfixo a maldición, asinando esta tarde a súa primeira vitoria en Gironella, unha pista que se lle resistía. O 0-1 proporciónalle tres valiosísimos puntos cos que marca distancias no liderado, con 38 puntos, fronte ao 37 do Navalcarnero, que empatou no derbi madrileño ante o Móstoles (2-2).
O municipal catalán viviu un partido moi competido, con control e mellores ocasións para as laranxas. Peque anotou o único gol do encontro, no minuto 13, tras controlar un balón solto e superar a Esther nun disparo pegado ao pau dereito. Con esta vantaxe, as pupilas de Javier Pardeiro puideron aumentar a intensidade e xerar máis perigo, aínda que sen éxito na finalización.
Tras o descanso, o Gironella arriscou máis intentando aprisionar os movementos das burelistas, que seguiron apostando por conservar a posesión do esférico. Nos últimos compases, as locais saíron con porteira xogadora para inverter o luminoso, aínda que non optiveron resultados favorables. No último minuto, despois de varias oportunidades do cadro laranxa da ampliar a vantaxe, a punto estivo de chegar un empate, totalmente inxusto, nun dobre penalti.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas