Gironella, unha pista que se lle resiste ao líder

O Burela FS Pescados Rubén afrontará a 17ª xornada de Primeira, tras subir ao liderado, coa visita á resistente pista do Gironella, sexto clasificado (25 puntos). O esférico comezará a rodar no municipal catalán mañá ás 17.30 horas.

"Imos moi motivadas e preparadas para romper a estatística nesta pista tan complicada. O noso obxectivo é lograr vencer por primeira vez na pista do Gironella e conservar o liderado" afirma a capitá Dolo, con dúas derrotas e un empate no seu histórico de enfrontamentos ligueiros.

"Gironella sempre é un rival difícil, é un conxunto moi compacto e aguerrido. Estas fortalezas poténcianse cando xogan na súa feudo, onde é moi complexo lograr a vitoria. Ademais estarán feridas no seu orgullo tras perder por 5-0 na pasada xornada ante o Ponte Ourense e quererán desquitarse", advertía a xogadora coruñesa, destacando ademais a valía dos tres puntos nunha semana difícil para os rivais directos: "Todas as xornadas son importantes pero esta ten especial relevancia xa que hai duelos moi interesantes; Navalcarnero afronta un derbi complicado ante o Móstoles e Valladolid visita o Alcorcón”.

A motivación das burelistas por continuar no cume endúlzase ademais pola gran noticia do regreso de Haydee á convocatoria, tras recuperase da intervención de tendinite rotuliana á que foi sometida no mes de outubro: "Recibimos con alegría a alta médica de Haydee; a súa participación supón un reforzo importante para o equipo, xa que gozaremos dunha rotación máis ampla".

Pardeiro dispoñerá de todos os seus efectivos a excepción diso Paula, que non viaxou por compromisos académicos.