A Mariña Cadete, subcampioa galega con gol laranxa
Aarón, Jorge, Christian, Adrián Riveiro, Javi, Mamadou, Adrián Sanjurjo, Álex García, Renato e Borja, do Burela FS Pescados Rubén; Pablo, da ACD Xove; e Cora, do Cidade de Viveiro. Son os integrantes e protagonistas da selección cadete da Mariña que onte se proclamou subcampioa galega no emocionante torneo celebrado en Santiago de Compostela. O combinado mariñán, dirixido polo técnico viveirense Quico Otero, venceu por 2-0 a Vigo en semifinais e no partido polo título cedeu ante as promesas da Coruña (6-3).
Na súa estrea na fase final os mariñáns apearon o rival olívico cun triunfo obrado a partir dunha defensa infranqueable e o acerto goleador dos laranxas Jorge e Renato. Vigo non atopou o xeito de meter man á xeración de ouro da Mariña, pero si A Coruña, verdugo de Santiago nas semifinais (5-2). Os herculinos, moi veloces e efectivos nos contragolpes, chegaron ao descanso cun clara vantaxe (3-0) que resultou determinante no desenlace do título. A selección da Mariña mostrouse moi superior tras o descanso e en moitas fases o seu dominio foi absoluto, pero de nada serviu o hat-trick do burelista Javi.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas