25/01/2013

O Burela FS B desafía o parapeto do 5 Coruña FS

O Burela FS B desafía o parapeto do 5 Coruña FS




O Burela FS Pescados Rubén B desafiará mañá a férrea pista do 5 Coruña FS na tentativa de seguir escalando posicións na táboa de Terceira. O parapeto do Novo Mesoiro acollerá a 18ª xornada a partir das 17.00 horas.

Tan só un puntiño separa a cuarta praza herculina (31 puntos), ás portas do podio, das aspiracións laranxas. Os pupilos de Lucas terán por diante o reto de bater a un rival “con xogadores experimentados en categorías superiores, cuxos resultados están avalando a súa traxectoria”, segundo explica o técnico mariñán. A gran baza do 5Coruña FS é a solvencia da súa pista; de todos os seus encontros como locais tan so O Esteo, líder, e A Pontenova, noveno, puideron arrebatarlle puntos, na segunda (1-2) a e décima (4-4) xornadas respectivamente. 

“Estivemos adestrando ben toda a semana” asegura Lucas, visiblemente aliviado por recuperar algún que outro xogador. “Poderemos dispoñer de máis rotacións; Antón e Aarón xa adestraron con nós estes días e a única ausencia será Bruno” explicou o adestrador. “Imos con moita ilusión para facer as cousas ben; dar a sorpresa na Coruña poderíanos liberar de nerviosismo para medirnos a outros dos favoritos da categoría” puntualizaba o laranxa.

Na primeira volta os tres puntos caeron do lado herculino por 1-6.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.