10/01/2013

Volve a actividade ligueira tras o Nadal

Volve a actividade ligueira tras o Nadal

Pouco a pouco, as categorías de base do CD Burela FS Pescados Rubén volven á actividade ligueira tras as breves, pero intensas, vacacións de Nadal. Esta fin de semana tocará Liga Nacional Xuvenil, Autonómicas Xuvenil, Cadete e Infantil e Liga da Mariña Prebenxamín.



A primeira cita da semana protagonizaraa o Cadete de Autonómica, saltando á pista do Carballiño FS mañá (pavillón Paco Chao, 21.00 horas).



Os máis pequenos recibirán 2013 o sábado, coa visita do AD Praia de Covas ao pavillón Monte Castelo (16.00 horas). As categorías xuvenil e infantil disputarán todos os seus compromisos fóra de Burela; pola tarde, o Xuvenil de Autonómica viaxará a Lugo para medirse ao CP Casás (Casa do Deporte, 16.00 horas) e o Infantil Autonómico xogará ante o ADFS Bueu (municipal, 17.30 horas). O domingo pola mañá, Nacional Xuvenil preparará derbi mariñán, na casa do CFS Cidade de Viveiro (pavillón municipal, 12.00 horas).



 



A Mariña Cadete, na fase final



A Selección da Mariña Cadete disputará a fase final do Campionato Autonómico o vindeiro 27 de xaneiro, en Santiago de Compostela. Conseguiu o billete na primeira eliminatoria, a un só partido, nos penaltis ante o combinado de Lugo (2-2).



Resultados do luns 7 de xaneiro:



Categoría Benxamín: Selección A Mariña 2-3 Selección Lugo



Categoría Alevín: Selección A Mariña 1-4 Selección Lugo



Categoría Infantil: Selección A Mariña 1-4 Selección Lugo



Categoría Cadete: Selección A Mariña 2-2 Selección Lugo (*A Mariña gañou a penaltis)

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.