24/12/2012

Cores laranxas, no I Trofeo do Nadal Mariñán de Imdecum

Cores laranxas, no I Trofeo do Nadal Mariñán de Imdecum

A chegada do Nadal obriga a tomarse un pequeno descanso nas diferentes competicións ligueiras, aínda que o fútbol sala laranxa non se pode resistir ao seu desexo polas pistas e seguirá dando renda solta ao seu espírito para despedir 2012, coa participación no I Trofeo do Nadal Mariñán (27-29 de decembro), organizado pola Fundación Imdecum.



Un total de 8 equipos burelistas, entre benxamín e xuvenil, daranse cita na devandita festa futbolística en Burela, que arrincará o xoves 27, coa xornada inaugural a cargo do seleccionador internacional José María Pazos ‘Pulpis’, cun relatorio versado no “Camiño á elite” (IES Monte Castelo, 16.30 horas) aberto ao público e destinado especialmente a afeccionados/as e profesionais do deporte. Os pavillóns Vista Alegre e Monte Castelo albergarán o apartado de competición, venres e sábado, para o que xa están confirmados ademais a EDM Cervo,  Cidade de Viveiro, Ribadeo e Sarria.



Resultados da fin de semana:



Liga Nacional Juvenil



Noia FS 1-3 Burela FS



Liga Autonómica Infantil



ED EON Burela FS 5-7 CD Mare Nostrum

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.