O Ximnasio Breogán e o CD Burela FS renovan o seu acordo de colaboración
O Ximnasio Breogán e o CD Burela FS Pescados Rubén renovaron o seu acordo de colaboración para a presente tempada. O directivo laranxa Antonio Ródenas visitou a semana pasada as devanditas instalacións para formalizar a continuación do convenio co seu xerente, Alberto Prado, e agradecer o apoio que o local lle vén prestando á entidade burelista dende hai máis dun quinquenio.
O Ximnasio Breogán (Álvaro Cunqueiro, número 1, Burela) contribúe á preparación dos equipos sénior do Burela FS cedendo o uso de toda a súa infraestrutura tanto en pretempada coma ao longo de toda a competición ligueira, cunhas instalacións de máis de 200 metros cadrados. O establecemento deportivo ofrece, entre os seus servizos máis novidosos e máis demandados, unha extensa variedade de actividades con aeróbic, step, batuka, bailes de salón, danza oriental, sauna, kick boxing, musculación e cardio.
Máis información en www.ximnasiobreogan.com.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas