23/10/2012

Caras novas nos adestramentos masculinos

Caras novas nos adestramentos masculinos

O Burela FS Pescados Rubén terá dúas caras novas nos seus adestramentos durante as dúas próximas semanas, o novísimo ala Diego Suárez, procedente do Avilés Sport, e o determinante ala-pivote brasileiro Cesinha, que chega da Superliga Rusa.



Diego Suárez Pazos, de 22 anos, xa tivo a oportunidade de coñecer hoxe o traballo do cadro laranxa. O ala zurdo, que destaca pola súa habilidade e desbordo, declarouse “moi ilusionado con chegar a Burela e poder adestrar cun equipo de elite”. O Pescados Rubén puido medirse aos avilesinos, de Terceira División, no Trofeo Vila de Ribadesella na pretempada en pret.



Cesar Augusto May Xavier, de 28 anos, incorporarase ás sesións burelistas mañá. O ala-pivote deu o salto ao fútbol sala ruso dende o Brasil hai cinco anos. Tras unha tempada no Politech de San Petersburgo, disputou dúas superligas no CSKA Moscú, para regresar despois ao Politech, nos dous últimos exercicios.




Próxima cita



O I Torneo Triangular de Castropol reunirá o Burela FS Pescados Rubén e o Azkar Lugo durante o parón ligueiro de Primeira División. Será o sábado 27 de outubro, no polideportivo da localidade asturiana de Barres, a partir das 19.00 horas. Tamén participará o conxunto anfitrión, CD Marino de As Figueiras, que compite categoría provincial.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.