19/10/2012

O espírito laranxa a través das ondas de Radio Marca

O espírito laranxa a través das ondas de Radio Marca

As ondas de Radio Marca propagaron onte a maxia do espírito laranxa na emisión nacional do seu programa Intermedio, dirixido e presentado polo director da canle, Paco García Caridad. O director xeral do CD Burela FS Pescados Rubén, José Luis Sáez Castro, compartiu micrófono co seu homólogo no Santiago Futsal, Miguel Fernández, e co adestrador do Azkar Lugo, Diego Ríos, para falar da realidade da Primeira División e da actualidade dos equipos galegos no primeiro tramo da liga.



Dende a delegación coruñesa de Marca coordinada por Jesús Sobrino, o espazo radiofónico repasou a singularidade do CD Burela FS como o única entidade de España con dous equipos na máxima categoría e o seu sólido traballo coa estrutura de base. José Luis Sáez atribuíulle “á gran resposta da masa social da comarca da Mariña e ao valioso apoio da empresa Pescados Rubén, dende o nacemento da entidade, as claves do crecemento do club laranxa” e agradeceu “a visibilidade e difusión que se ofrece do fútbol sala dende a canle de Marca para que se vaia consolidando como un dos referentes deportivos en España”. 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.