10/09/2012

O Burela FS, nas semifinais da Copa (Valdetires, 1-7)

O Burela FS, nas semifinais da Copa (Valdetires, 1-7)

O Burela FS Pescados Rubén materializou o sábado o pase ás semifinais da XXII Copa Galicia, despois de impoñerse a domicilio ao Valdetires Ferrol FSF (1-7), da Segunda División.  As pupilas de Javier Pardeiro sentenciaron o encontro xa no primeiro período cun contundente 0-7 no luminoso á chegada do descanso.


A relaxación laranxa na segunda parte impediu unha goleada maior. As ferrolás puideron anotar o tanto de honra, no minuto 24, nun rexeitamento de Patri.


O resultado da Malata permítelles ás burelistas a clasificación como campioas do Grupo B, que tamén se impuxeron ao Viaxes Amarelle (6-2). Xa teñen ademais o seu billete para a fase final outros dous de Primeira, o Ponte Ourense como primeiro do Grupo A, que venceu ao Fisober (1-7) e Poio (6-2), e Cidade das Burgas do C, con dous triunfos, Mos (2-9) e A Fervenza (11-1), que lle outorgan a clasificación. O cuarto en discordia sairá deste último grupo, como campión ou mellor segundo, entre Leis Pontevedra, A Fervenza e Mos.



Ficha técnica


Valdetires Ferrol FSF: Jeny, Sheila, Teresa, Andrea e María, no cinco inicial; tamén xogaron Diana, Yessy e Iria


Burela FS Pescados Rubén: Jozi, Lucía, Dolo, Lara e Peque, no cinco inicial; tamén xogaron Dany, Lidia, Maite, Paula, Silvia e Patri


Goles: 0-1, minuto 4, Peque; 0-2, minuto 7, Lidia; 0-3, minuto 11, Peque; 0-4, minuto 12, Dolo; 0-5, minuto 13, Dany; 0-6, minuto 17, Silvia; 0-7, minuto 18, Silvia; 1-7, minuto 24, Sheila

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.