12/07/2012

A brasileira Cely incorporarase en agosto á Serie A italiana

A brasileira Cely incorporarase en agosto á Serie A italiana

A brasileira Cely Gayardo despediuse do CD Burela FS Pescados Rubén, co que rematou contrato en xuño, para iniciar unha nova etapa no fútbol sala europeo. A pivote incorporarase en agosto á pretempada do italiano AZ Gold de Abruzzo, que debutará na Serie A a partir de outubro. 


“Quero agradecer a todos os directivos, corpo técnico, xogadoras e a afección de Burela que me acolleran tan ben. Foron cinco meses marabillosos os que vivín en Burela. Creo que os títulos para o Burela chegarán co tempo porque o equipo está no camiño correcto. Dende lonxe, seguirei animando a este cadro”. Así se despediu Cely das filas burelistas, á que o CD Burela FS Pescados Rubén lle desexa moita sorte na súa nova andadura.


A internacional ‘canarinha’ Araceli Gayardo chegou á entidade laranxa procedente do prestixioso UnoChapecó brasileiro en xaneiro de 2012 para achegar calidade, experiencia e determinación ao cadro dirixido por Javier Pardeiro.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.