21/05/2012

Sporting Rabadense 0-5 Xoula Ribadeo

Sporting Rabadense 0-5 Xoula Ribadeo

O Xoula goleou de novo a domicilio, esta vez ao Sporting Rabadense, ao que endosou un claro 0-5; xa suma doce puntos en catro partidos na Copa Provincial.


Ao descanso o resultado era de 0-4. Na segunda metade, unhas veces a falta de acerto na finalización e outras a boa actuación da porteira local evitaron un resultado de escándalo e as ribadenses tiveron que conformarse con tan só un novo tanto. Elvira inaugurou o marcador, seguírona Nuria e Eva e de novo Elvira puxo o 4-0 para marchar ao descanso. Na segunda metade anotou Tania Penabad nunha bonita vaselina.
Polo Xoula xogaron Antía, Ana, Eva (1), Elena e Elvira (2), cinco inicial, e tamén Nuria (1), Carla Bolaños, Yoli e Tania Penabad (1).


O Viveiro FSF, segundo clasificado con 5 puntos, será o rival a bater para as de Martínez o vindeiro sábado no municipal ribadense.


Provincial masculina. O Ribadeo FS conseguiu manter en Rábade o liderado do Grupo B da liguiña de clasificación que dá acceso a disputar as semifinais da Copa. A poucos minutos para o final os mariñáns perdían por 3-1; Sergio foi o encargado de volver as cousas ao seu sitio ao transformar un claro penalti e pór o 3-2 no marcador. Aínda que con derrota, este resultado ante o Amigos de Rábade permite aos de Ribadeo manter o liderado do grupo e así evitar enfrontarse en semifinais ao primeiro clasificado do Grupo A.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.