13/05/2012

O Rioja Diamante corta a excelente etapa laranxa

O Rioja Diamante corta a excelente etapa laranxa

O Burela FS Pescados Rubén caeu pola mínima (2-1) na súa visita á cancha do Rioja Diamante. Esta derrota ante as rioxanas curta a excelente etapa laranxa, oito triunfos consecutivos, a falta de tres xornadas para o final da competición.


O Rioja Diamante, en plena loita pola permanencia na Primeira División, baseou a súa aposta nunha defensa agresiva en dez metros e o contragolpe como arma principal. Así enfocou o choque desde o asubío inicial a escuadra local. Argumentos, por outra banda, esperados e liquidados en numerosas ocasións polo conxunto dirixido por Javier Pardeiro. A única peza que faltaba para encaixar no puzzle rioxano era o grao de inspiración laranxa. Aquí estivo o factor clave da vitoria do Rioja Diamante xa que o conxunto mariñán non tivo o seu mellor día. Adiantáronse as rioxanas por mediación de Bea Martín, minuto 8, nun contragolpe e aínda que o control era absolutamente do Burela unicamente tivo como recompensa o empate, por mediación de Peque.


Con este marcador chegouse ao descanso e na continuación, máis do mesmo. Dominio infrutuoso do Burela e defensa numantina local con gran dose de fortuna. O 2-1 chegou no minuto 26, nunha acción illada de Eva Ortega que Claudia introduciu na súa propia meta. Ata o final o asedio laranxa foi continuo pero Lala e a escasa puntería impediron a remontada burelense.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.