20/04/2012

Sprint final con Vista Alegre como escenario

Sprint final con Vista Alegre como escenario

O Burela Pescados Rubén recibe en Vista Alegre, sábado 21 ás 17.30 horas, o Sala 5 Martorell FS, quinto clasificado da Segunda División. A catro xornadas para a conclusión da liga regular, o conxunto dirixido por Julio Delgado afronta a recta final co firme propósito de clasificarse para o play off de ascenso. Nestas catro xornadas os burelenses disputan tres partidos en Vista Alegre e un como visitante, ante o Maristas Valencia.


O primeiro reto será vencer o conxunto catalán, quinto clasificado, con 39 puntos, cinco máis que os laranxas que cunha vitoria comprimirían aínda máis os postos de acceso ao play off. O Sala 5 caracterízase polo seu potencial ofensivo, sendo o segundo máximo realizador da Liga con 117 goles, unicamente superado polo Oxipharma Granada. O seu maior perigo finalizador protagonízano Diego Blanco, actual pichichi con 31 goles, e Marc Areny, que suma 21 tantos. Na última xornada, lograron a igualada ante o FC Barcelona (5-5) no último minuto tras ir perdendo por 2-5.


Pola súa banda, o Burela chega a este duelo tras empatar, tamén no último minuto con gol de Ique, en Eivissa, onde mereceu mellor fortuna, e con intención de facer valer o factor cancha para conquistar os tres puntos en xogo. Ante o Martorell, o técnico burelense non poderá contar coa participación de Bebeto, que continúa coa súa recuperación, e tampouco con Purao lesionado en terras eivisencas no ligamento lateral interno do seu xeonllo dereito. Para este partido Julio Delgado convocou os xuvenís Antón e Keko.



Burela Pescados Rubén-FC Barcelona. A vixésimo oitava xornada de Liga que enfrontará o cadro burelense co FC Barcelona adiántase ao mércores día 25 de abril. O choque comezará no Vista Alegre ás 21.00 horas.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.