25/03/2012

Derrota pola mínima do Burela Pescados Rubén na súa visita a Manzanares

Derrota pola mínima do Burela Pescados Rubén na súa visita a Manzanares

O Manzanares corta a escalada do Burela Pescados Rubén ao que derrotou por 3-2 no tramo final do encontro. O xogo caracterizouse pola máxima igualdade entre ambos os conxuntos e a alternancia no electrónico.


O primeiro en golpear foi o Burela. Juanma sorprendeu a Pepote nos primeiros compases de xogo real cun zurdazo desde doce metros para situar o 0-1. O tanto non desanimou o Manzaranes, que, apoiado na súa afección, logrou o empate, minuto nove, con De la Cuerda como protagonista. Coa igualada chegouse ao descanso e na continuación ambas as escuadras mantiveron as súas intencións de noquear o seu rival.


Neste segundo acto, o primeiro en acertar no intercambio de golpes foi o Manzaranes. Kiki logrou o 2-1 no minuto 33 aínda que Juanma igualou a contenda no 37, dando paso a un final de encontro de alta tensión. Acto seguido, De la Cuerda culminou unha acción de estratexia para elevar o 3-2 e Purao, con xogo de cinco, acariñou o empate no último minuto pero o seu disparo estrelouse no pau.


Palco de autoridades. O Presidente do Comité Nacional de Fútbol Sala, D. Antonio Escribano, presidiu o encontro acompañado por  D. José Luis Sáez (Membro do Comité Galego de Fútbol Sala e directivo do CD Burela FS Pescados Rubén) e D. Miguel del Salto, presidente do Manzanares FS. Ademais de numerosas e notorias autoridades políticas da comunidade castelano-manchega.



Protesta local. Os xogadores do Manzanares renunciaron a competir os dous primeiros minutos de partido en sinal de protesta pola falta de pagamento continuada por parte do club manchego.


 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.