23/03/2012

O Burela FS reta a revelación manzanareña

O Burela FS reta a revelación manzanareña

O Burela FS Pescados Rubén retará a cancha do Manzanares, revelación no seu debut en Segunda, ocupando a actual segunda praza (41 puntos). A cita arrancará ás 18.00 horas no municipal da localidade cidaderrealeña.


O cadro laranxa medirase a un rival que resulta un verdadeiro parapeto na súa pista: 30 dos seus 41 puntos conseguiunos como local. Ata o momento ningún equipo puido facerse cos tres puntos en terras manzanareñas e tan só o Playas puido arrebatar o empate, na terceira xornada (3-3). Ademais, a segunda volta non se lle está dando nada mal; encadea 5 vitorias.


No entanto, tras a inxección anímica da semana pasada, co triunfo fronte ao líder granadino (4-1), o Burela FS (30 puntos) chegará a Manzanares disposto a todo, seguro de si mesmo e do xogo que pode despregar. Na expedicion mariñá, Clebinho e Purao viaxaron con molestias; entrou na convocatoria o ala xuvenil Antón Couto.


Na primeira volta, o Burela FS dominou a cita cun tallante 10-3.


Nos cálculos laranxas de escalada para esta xornada cobra protagonismo o duelo entre UA Ceutí e Hotels Plaza Andorra, que ocupan a oitava e novena praza empatados a 32 puntos. Asediando os intereses do Burela FS, o UPV Maristas Valencia (29) ten unha complicadísima tarefa na casa do primeiro clasificado e o UMA Antequera (27) desprázase á cancha do Gáldar Gran Canario, cuarto.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.