27/02/2012

Lidia pon rumbo a Vitoria coa Galega

Lidia pon rumbo a Vitoria coa Galega

A xogadora do Burela FS Pescados Rubén Lidia Mesías xa ten todo preparado para poñer rumbo mañá ao Campionato de Seleccións Territoriais de Vitoria (29 febreiro-4 marzo) coa Selección Galega Sub-23.


Valencia será o primeiro rival da escuadra irmandiña o mércores, ás 10.00 horas, no pavillón Mendizorroza. O seguinte chanzo será ante Madrid entre o xoves e o venres, dependendo do resultado do primeiro día (12.00 horas). As semifinais e final están previstas para sábado e domingo respectivamente.


Xunto á representante laranxa, compoñen o combinado dirixido por Manuel Castillo Ana López, Lucía Álvarez e Iria Saeta, do Cidade das Burgas; Vanessa Sotelo, Ana Rivera e Jessica Diéguez, do Ponte Ourense; Tamara Acuña, do Leis Pontevedra; Lucía Gómez e Patricia Corral, do Viaxes Amarelle; e Erika González e Iria Vieiro, do Valdetires Ferrol.


Sub-19. Os xuvenís burelistas Aarón Fraga e Andrés Míguez tamén se adestrarán hoxe a última hora da tarde coa selección, no pavillón de Roxos en Santiago de Compostela. O campión de España decidirase en Logroño no mes de marzo, coincidindo coa Copa de España de Fútbol Sala (8-11 de marzo). O combinado irmandiño, que conseguiu o billete na eliminatoria anterior no País Vasco ante o anfitrión, Asturias e Aragón, deberá medirse na gran cita a Madrid e Murcia, no Grupo B; o A estará composto por Andalucía, Melilla e Valencia.


 


CALENDARIO SUB-23


Grupo A
 
1ª xornada - 29/02 (17.30) CASTELA E LEÓN-ANDALUCÍA
2ª xornada - 01/03 (15.30) A RIOXA-Perdedor 1º partido
3ª xornada - 02/03 (15.30) A RIOXA-Gañador 1º partido
 
Grupo B
 
1ª xornada - 29/02 (10.00) GALICIA-VALENCIA
2ª xornada - 01/03 (12.00) MADRID-Perdedor 1º partido
3ª xornada - 02/03 (10.00) MADRID-Gañador 1º partido
 
Grupo C

 
1ª xornada - 29/02 (12.00) CANTABRIA-CALATUÑA
2ª xornada - 01/03 (10.00) ARAGÓN-Perdedor 1º partido
3ª xornada - 02/03 (12.00) ARAGÓN-Gañador 1º partido
 
Grupo D
 
1ª xornada - 29/02 (15.30) CASTELA A MANCHA-MURCIA
2ª xornada - 01/03 (17.30) PAÍS VASCO-Perdedor 1º partido
3ª xornada - 02/03 (17.30) PAÍS VASCO-Gañador 1º partido
 
Semifinais 


1ª SEMIFINAL- 03/03 (10.00)
2ª SEMIFINAL- 03/03 (12.00)



Final


04/03 (12:00)

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.