24/02/2012

Lucía comeza a rehabilitación baixo supervisión de L2 Fisioterapia

Lucía comeza a rehabilitación baixo supervisión de L2 Fisioterapia

A xogadora do CD Burela FS Pescados Rubén Lucía Nespereira xa está inmersa no proceso de rehabilitación, baixo supervisión de L2 Fisioterapia, unha vez reparada a lesión de ligamento cruzado anterior do xeonllo dereito.


A ala-peche laranxa, que se lesionou durante un adestramento do Nadal, pasou polo quirófano do Policlínico Lucense SA o pasado 25 de xaneiro, nunha intervención dirixida pola traumatóloga Luísa Ibáñez. Despois do período de repouso e das revisións oportunas, Lucía comezou con exercicios diarios de recuperación da mobilidade, a semana pasada, nas instalacións do centro médico burelao; poderá internarse na fase de fortalecemento sobre mediados de marzo.


A clínica L2 Fisioterapia (Rosalía de Castro, número 37), dirixida por Juan Eiroa e Matilde González, ocúpase  do traballo terapéutico do conxunto sénior feminino e da ED EON dende 2010-11; este ano tamén asumiu a devandita responsabilidade co equipo sénior masculino.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.