18/12/2011

O Burela FSF Pescados Rubén vence e colócase en postos de Copa de España

O Burela FSF Pescados Rubén vence e colócase en postos de Copa de España

As laranxas gañaron por 6 goles a 1 ao Lacturale CD Orvina. O equipo que adestra Javier Pardeiro impuxo a súa intensidade no segundo tempo e acabou vencendo con claridade a un cadro local que comezou avisando pero sen sorte na transformación.


Co paso dos minutos, as mariñás reaccionaron e terminaron impoñendo o seu xogo. O conxunto burelés lograba o primeiro gol aos doce minutos obra de Claudia, tras culminar cun potente disparo ao bordo do área. Dous minutos despois, nunha perda de balón das locais e logo dunha pelota rexeitada pola cérbera Ana, Dolo aproveitaba para abrir brecha no marcador, nun primeiro acto que non sufriría máis variacións.


Coa renda ao seu favor, o Burela FSF Pescados Rubén conseguía dominar o devir do choque, máxime cando aos 24 minutos nunha perda de balón das locais conseguía anotar o terceiro tanto Lucía. Aproveitando o xogo de cinco das navarras, Jozi desde a súa propia portería poñía o cuarto no electrónico e, dous minutos despois, Dolo superaba no man a man a Ana para facer o quinto tanto. O gol da honra para o Orvina anotábao Andrea a cinco minutos do final, superando por baixo a Jozi e xa co tempo a piques de finalizar, Lucía de tacón dentro do área, tras pase en longo da pechacancelas brasileira, establecía o definitivo 1 a 6.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.