16/10/2011

Cómoda vitoria do Burela en Majadahonda

Cómoda vitoria do Burela en Majadahonda

O Burela FS Pescados Rubén fixo bos os prognósticos e regresou da pista do Majadahonda FSF Afar4 con tres puntos tras superar as madrileñas por un contundente 2-7. Esta vitoria permite ao conxunto burelense escalar á zona media da Primeira División.


O choque tivo dúas partes distintas. Na primeira o Burela non se atopou cómodo na pista debido á dinámica proposta polo Majadahonda. O conxunto local provocaba continuas interrupcións que impedían un bo ritmo de xogo. A pesar diso, o Burela adiantouse en dúas ocasións, por mediación de Lucía e Dolo, aínda que as locais lograron o empate antes do descanso. 


A segunda parte nada tivo que ver co período inicial. O equipo dirixido por Javier Pardeiro apropiouse do control e o ritmo do partido para liquidar calquera indicio de sorpresa. Haydée e Maite materializaron o dominio laranxa (2-4). O Majadahonda intentou o xogo de cinco que resultou devastador para os seus intereses xa que as mariñás aumentaron a súa renda con dous goles de Lidia e outro de Lucía.


Ademais dos tres puntos, as notas positivas foron o debut, esta tempada, de Silvia e de Paula Cortiñas, que aos quince anos se estrea na máxima categoría nacional.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.