14/10/2011

Noia e Mera, rivais copeiros do Burela FS

Noia e Mera, rivais copeiros do Burela FS

O Noia FS e o Mera FS, da Segunda División B, serán os rivais do Burela FS-Pescados Rubén nos próximos compromisos copeiros, entre outubro e novembro.


O conxunto noiés, de Segunda B, medirase aos laranxas, na segunda eliminatoria da Copa do Rei, que terá lugar en terras coruñesas o 1 de novembro, nun só partido, xunto ao O Parrulo FS-Cidade de Narón, Dominicos-UPV Maristas Valencia, Centelles-Playas de Castellón, Bar Mi Casa-Space Gasifred Ciutat d’Eivissa, Zalatambor Area 99-Hotels Plaza Andorra, Kirol Sport-Sala 5 Martorell, Ziérbana-Hospitalet Bellsport, Incosur Coineña-Melilla, Mutrayil Mercomotril-Ceuta, Uruguay Peruanos-Gáldar Gran Canaria, Alamín-Los Álamos El Pino, Extremadura-Manzanares, AP Brihuega-Fuconsa Jaén, Leganés-Oxipharma e Pilaristas-UMA Antequera. O sorteo da terceira eliminatoria, entre os clasificados e os representantes da Primeira División, será o 8 de novembro.


Como clasificado da primeira fase, o Mera FS, tamén da Segunda División B, enfrontarase ao Pescados Rubén nos cuartos de final da XXI Copa Galicia. Os laranxas deberán disputar a eliminatoria, a partido único, como visitantes antes do 30 de novembro. SD Pazos Borbén (3ª D.)-Autos Lobelle de Santiago (1ª D.), Bembrive FS (2ª B)-Azkar Lugo (1ª D.) e Noia FS (2ª B)-Narón FS (2ª B) completan os cruzamentos.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.