25/08/2011

A entidade laranxa recupera a denominación de CD Burela Pescados Rubén

A entidade laranxa recupera a denominación de CD Burela Pescados Rubén

A punto de cumprir dez anos de historia, a entidade laranxa recupera a súa denominación máis identificativa, CD Burela FS-Pescados Rubén, en 2011-12, tras o acordo acadado coa empresa mariñá Pescados Rubén SL, que volve erixirse como o principal patrocinador do club.


Pescados Rubén SL posicionouse como o primeiro impulsor do proxecto laranxa dende o sector privado, alá por 2001, na xestación dunha entidade seria que pelexaba polo desenvolvemento do fútbol sala nunha comarca que sempre sentiu predilección por este deporte. Dende entón, o seu inestimable apoio contribuíu a crear unha estrutura sólida, coa consolidación do Burela FS masculino, que dende 2003 milita en Prata con nada máis e nada menos ca seis fases de ascenso á elite, e o afianzamento da formación de base, cunha escola deportiva que dende 2007 traballa con preto de 200 alumnos/as. Nas dúas últimas tempadas o compromiso da compañía apostou especialmente polo proxecto feminino, Burela FS Pescados Rubén, na División de Honra.


Máis de trinta anos de experiencia avalan a Pescados Rubén na comercialización nacional e internacional de produtos do mar. A empresa, con sede no concello lugués de Foz, posúe un cadro que se aproxima ao centenar de empregados e caracterízase por establecer unha relación próxima e duradeira con clientes e provedores.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.