09/08/2011

O burelao Iago Míguez regresa ás súas orixes para vestir de laranxa

O burelao Iago Míguez regresa ás súas orixes para vestir de laranxa

Iago Míguez Expósito (Burela, 1991) será xogador do Burela FS. O ala-pivote, que regresa ás súas orixes futbolísticas e á súa vila para vestir de laranxa en 2011-12, procedente o Azkar Lugo FS, xa puido compartir o adestramento hoxe pola tarde cos seus novos compañeiros.


A chegada do brillante Iago Míguez faise realidade tras carta de liberdade concedida pola entidade transportista, na que o burelao militou as últimas catro tempadas. Xa na súa etapa de base no CD Burela FS o mariñán apuntaba maneiras, cos títulos de campión de España coa Selección Galega e de Máximo Goleador na categoría infantil, en 2004-05; campión da Liga Autonómica Cadete e subcampión de España con Galicia Cadete, en 2005-06; ou como campión de España e Mellor Xogador, en 2006-07. En 2007-08, Iago Míguez incorporouse ao Azkar para formar parte do cadro xuvenil e do equipo de Primeira Nacional A. Tan só unha tempada despois, con 17 anos, puido debutar na División de Honra co primeiro equipo e, pouco a pouco, foi gañándose un sitio tanto no vestiario lugués coma na máxima categoría. En maio de 2011, o seu traballo e calidade foron recoñecidos coa convocatoria para participar nunha concentración da Selección Española Sub-21.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.