08/08/2011

Vista Alegre dá a benvida ao CD Burela FS 2011-12

Vista Alegre dá a benvida ao CD Burela FS 2011-12

O vindeiro xoves, 11 de agosto, Vista Alegre dará a benvida ao renovado proxecto do CD Burela FS para o espectáculo da Primeira e Segunda División, coa presentación dos cadros de Javier Pardeiro e Quique García. Os protagonistas laranxas da tempada 2011-12 saltarán á pista a partir das 20.30 horas.


Os afeccionados/as terán a oportunidade de gozar cos primeiros toques dos novos Burela FS e Burela FS Pescados Rubén nun partido entre as dúas grandes potencias laranxas, con aliñacións mixtas. A entidade burelista habilitará unha Fila 0 para a ocasión, cuxa recadación se destinará á asociación Camiña e a Fundación Eu Son de Burela.


Con esta cita, ambas as escuadras inaugurarán oficialmente a súa pretempada. As pupilas de Pardeiro clausurarán a súa preparación o 10 de setembro, en Vista Alegre, ante o vixente campión da Copa de España, FSF Móstoles; entre os amigables disputarán a fase previa da XXI Copa Galicia, ante A Fervenza FSF e o Leis Pontevedra, da Segunda División. O comezo ligueiro para o conxunto de Quique García será o 17 de setembro, coa visita de El Pozo Ciudad de Murcia; no calendario de preparación do Burela FS figuran o VII Memorial Celso Currás de Trabada, o 20 de agosto; o partido de presentación do Azkar Lugo FS, o día 31; a visita do Autos Lobelle de Santiago FS a Vista Alegre, o 3 de setembro; e a cita ante o Superti A Pontenova en San Tirso de Abres, o 9 de setembro.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.