05/07/2011

O Burela FS inaugurará a Segunda División coa visita de ElPozo o 17 de setembro

O Burela FS inaugurará a Segunda División coa visita de ElPozo o 17 de setembro

O Burela FS inaugurará a tempada 2011-12 na recentemente nomeada Segunda División coa visita de ElPozo Ciudad de Murcia o 17 de setembro. O calendario, composto por 16 equipos, deuse a coñecer esta mañá na Asemblea Xeral de Clubs da Liga Nacional de Fútbol Sala en Madrid.


Completan a categoría Space Gasifred Ciutat d’Eivissa, UMA Antequera, FC Barcelona B Alusport, Playas de Castellón, Oxipharma Granada, Hospitalet Belsport, Melilla, Gáldar Gran Canaria, Martorell, Andorra, UPV Maristas Valencia, Fuconsa Jaén, Manzanares FS e Unión África Ceutí.


Nunha época na que a crise económica asfixia o mundo do fútbol sala e na que moitas entidades se ven na obriga de abandonar, a escuadra laranxa aínda terá que facer outro sobreesforzo, con máis de 30.000 quilómetros de peregrinaxe á vista polo Levante, Andalucía e a costa africana. O desprazamento máis próximo para os burelistas será o de Manzanares, a nada máis e nada menos ca 700 quilómetros da comarca mariñá.


Nesta mesma xuntanza, a LNFS decidiu incorporar a Juan José Lopetegui de Triman Navarra, da Primeira División, e a José Luis Sáez, director xeral do CD Burela FS, como novos membros da súa Xunta Directiva.


 


[+inf. na LNFS]

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.