20/04/2011

O Valencia desafía a solidez da bomboneira dende a terceira praza

O Valencia desafía a solidez da bomboneira dende a terceira praza

O UPV Maristas Valencia desafía na trixésimo sexta xornada de Prata a solidez do Burela FS na bomboneira dende a terceira praza. Vista Alegre acollerá o encontro o sábado ás 18.30 horas.


Nunha fin de semana na que se pode mover moito a táboa, os laranxas poñeranse a proba como o equipo menos goleado da categoría, na defensa da sétima praza (51 puntos), fronte a un rival dos mellores finalizadores, que para esta cita perderá o pichichi da competición, Jordi Lledó (43 tantos), sancionado con dous partidos de suspensión tras a expulsión en Navarra da semana pasada.


Un punto separa o cadro de Suso Rey de ElPozo Ciudad de Murcia, que deixou escapar a xornada onte ante o pechacancelas, Frontera Tobarra (3-4); a novena posición está custodiada polo UMA Antequera (49), que viaxará á pista do sexto, Zamora (53); e pelexando por coarse nos play off está o Lanzarote (45), que recibe dende o décimo posto o quinto clasificado, BP Andorra (55).


No entanto, os tres puntiños tamén lle virían moi ben ao Maristas. Despois de tres derrotas consecutivas, ante Zamora (3-2), Puertollano (2-4) e Navarra (1-5), os levantinos chegarán á Mariña con ganas de vitoria mirando o cuarto clasificado, Colegios Arenas Gáldar. Empatados cos valencianos (59 puntos), os canarios buscarán o podio na visita ao Ribera Navarra (75), segundo. 


 


Homenaxe infantil. Coincidindo coa xornada de Prata, o club homenaxeará os infantís laranxas Renato e Christian, que se proclamaron campións de España con Galicia na cita da Confederación Nacional de Fútbol Sala celebrada en Ponteareas a fin de semana pasada.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.