19/04/2011

O Burela FS abre o prazo de inscrición para o I Torneo de Base EON (1-3 xullo)

O Burela FS abre o prazo de inscrición para o I Torneo de Base EON (1-3 xullo)

O club laranxa xa ten aberto o prazo de inscrición para a cita que se converterá na sensación deportiva do verán mariñán en 2011, o I Torneo de Base EON Burela FS, previsto para o 1, 2 e 3 de xullo.


O torneo reunirá as categorías de Benxamín (2002-01), Alevín (2000-1999), Infantil (1998-97) e Cadete (1996-95) nunha competición que establecerá o sistema de dúas fases, de grupos e final, e se distribuirá entre os pavillóns burelaos de Vista Alegre e Monte Castelo, o cervense de San Cibrao e o de Marzán, en Foz.


O prezo da inscrición será de 120 euros para os equipos que manteñen convenio de colaboración co CD Burela FS e 150 para o resto. A data límite para reservar praza será o 10 de xuño.


As escolas e clubs interesados poden recibir máis información na sede do CD Burela FS (avenida Arcadio Pardiñas, número 97, entresollado, 982 58 18 15).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.