08/04/2011

O Barcelona B inaugura a recta final laranxa cara ao play off

O Barcelona B inaugura a recta final laranxa cara ao play off

O FC Barcelona B inaugura mañá a recta final dos laranxas, en Vista Alegre (18.30). Cinco xornadas e cinco verdadeiras finais lle quedan ao Burela FS para rematar a liga entre os privilexiados para disputar a fase de ascenso, con moi pouca marxe de erro.


Con 45 puntos, os pupilos de Suso Rey defenderán a última praza de play off, ante o undécimo clasificado (42), un rival complicado, con xogadores novos, moi rápidos e cunha boa defensa. A baza mariñá basearase en facer valer a fortaleza local ante un equipo que baixa o nivel a domicilio; na segunda volta,  tan só se impuxo en Zamora (2-4) e empatou co Extremadura Cáceres 2016 (3-3).


Tres puntos separan a culés e laranxas, pero a novena posición dos burelaos non está en perigo polos cataláns, sen opción ao ascenso, senón polo Azulejos y Pavimentos Brihuega, que dende o décimo posto (42) visita esta semana o Zamora (sexto, 50). Cun resultado favorable, o Burela FS ten opcións de distanciarse desta fenda, coa oitava praza a tan só un punto, custodiada polo UMA Antequera, que viaxa a Lanzarote para medirse ao duodécimo (39). 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.