28/03/2011

A Mariña 2-5 Selección do Xapón

A Mariña 2-5 Selección do Xapón

Xogadores do Burela FS, Superti A Pontenova e Concello de Trabada FS defenderon onte a camisola da Mariña, baixo as ordes de Suso Rey, nun amigable ante a Selección do Xapón no que o xogo rápido acabou beneficiando os nipóns (2-5).

Vista Alegre acolleu un encontro moi intenso dende o asubío inicial. Como consecuencia dese alto ritmo axiña sumaron as cinco faltas ambos os dous equipos. A vantaxe mariñá, acadada polo laranxa Manu de dobre penalti (minuto 16), fíxoa desaparecer o xogador do Gestesa Guadalajara Shota, tamén a balón parado (minuto 18).

Tras o descanso, a selección do español Miguel Rodrigo tomou distancias, en dúas xogadas consecutivas (minuto 24), de roubo e contraataque, nas zapatillas de Kitahara e Henmi Rafael. No minuto 32, Manu volveu meter no partido os mariñáns co 2-3, ao superar o meta xaponés tras un roubo na área visitante; no entanto, o combinado nipón ampliou a vantaxe un minuto máis tarde, de Kogure. O 2-5 definitivo subiu ao electrónico a falta de seis minutos. A Mariña aínda tivo boas ocasións, que non puido finalizar.

A bomboneira gardou un minuto de silencio en solidariedade cos damnificados polo terremoto e a crise nuclear que sacode o país nipón dende o 11 de marzo. O presidente do CD Burela FS, José Ramón González Casas, obsequiou a selección do Xapón cunha placa conmemorativa do evento.

 

Ficha técnica

A Mariña: Brais, Purao, Ique, Manu e Christian, no cinco inicial; tamén xogaron Juanma, Bruno de Nois, André, Borjita, Víctor Cachón, Turero, Paleta, Edu e David.

Selección do Xapón: Fujiwara, Komiyama, Kamisawa, Shota e Kensuke, no cinco inicial; tamén xogaron Yoshida, Kitahara, Watanabe, Matsumiya, Kogure, Nibuya, Fukinbara, Henmi Rafael, Minamoto, Harada e Takita

Goles: 1-0, minuto 16, Manu (dp); 1-1, minuto 18, Shota (dp); 1-2, minuto 24, Kitahara; 1-3, minuto 24, Henmi Rafael; 2-3, minuto 32, Manu; 2-4, minuto 33, Kogure; 2-5, minuto 34, Minamoto

Tarxetas amarelas: Kensuke e Shota polo Xapón

Incidencias: Partido amigable coa presenza duns 650 espectadores/as

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.