19/03/2011

O Burela FSF supera o envite das lesións con empate en Gironella (2-2)

O Burela FSF supera o envite das lesións con empate en Gironella (2-2)


O Burela FSF Pescados Rubén puido superar o envite das lesións, coa ausencia de Lara e con Ro e Dolo tocadas, arrincando o empate en Gironella (2-2). O conxunto laranxa sacou forzas lonxe da casa para conseguir un punto, e xa son 39, que o manteñen ás portas do podio de Honra.


A escuadra de Pardeiro decidiuse a tomar as rendas do xogo fronte a un rival que parecía que só quería xogar ao contragolpe. E a táctica saíulles ben ás catalás; o Gironella adiantouse nunha acción individual de Marga (minuto 6) ao rescatar un erro nos pases das mariñás. A reacción das laranxas obtivo os seus froitos cunha xogada de estratexia que finalizou Lucía (minuto 11). A vantaxe para as de Javier Pardeiro, catro minutos despois, chegou de novo a balón parado, cun córner de Claudia, que introduciu a catalá Claudia Pons en propia porta.
As mariñás fallaron varias ocasións e o Gironella soubo aproveitalo para igualar o electrónico, nun contragolpe case chegando ao descanso (minuto 19).


O segundo período equilibrou a contenda, con chegadas polos dous lados, pero sen acerto. Faltando pouco máis de tres minutos para o final, Pardeiro optou polo xogo con porteira-xogadora, Dolo, pero ou Burela FSF non puido mover o marcador.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.