17/03/2011

O fútbol sala mariñán medirase ao Xapón o 27 de marzo, en Vista Alegre

O fútbol sala mariñán medirase ao Xapón o 27 de marzo, en Vista Alegre

O pavillón burelao Vista Alegre acollerá un amigable entre a selección do Xapón e un combinado da Mariña o domingo 27 de marzo (19.30 horas), coa organización do CD Burela FS e coincidindo coa xornada de descanso do equipo laranxa de Prata. A entrada ao encontro será gratuíta.


Baixo as ordes do técnico burelista, Suso Rey, xogadores do Concello de Trabada FS (Primeira Nacional B), CD Rececende Superti-A Pontenova (Primeira A) e Burela FS configurarán o cadro que se medirá ao combinado do español Miguel Rodrigo.


O devandito amigable está integrado na xira futbolística que a selección do Xapón fará por Portugal e España entre o 19 de marzo e 1 de abril, cun total de oito encontros.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.