28/02/2011

Lidia defenderá a camiseta galega no Nacional Sub-23 (Estepona, 2-6 marzo)

Lidia defenderá a camiseta galega no Nacional Sub-23 (Estepona, 2-6 marzo)

A xogadora do Burela FSF Pescados Rubén Lidia Mesías defenderá a camiseta galega no Campionato de España de Seleccións Territoriais Sub-23, que se disputará en Estepona entre o 2 e o 6 de marzo.


Completan a convocatoria definitiva de María Bardanca Sara Martínez, Marta Rodríguez e Ana Rivera, do Ponte Ourense; Lucía Álvarez, Iria Saeta e Vanessa Sotelo, do Cidade das Burgas; Iria Vieiro e Eirka González, do Meirás Valdetires; Sara Fernández, do Fervenza FS; Lucía Souto, do Ateneo Combarro; e María Pérez, do Viajes Amarelle FS.


A Selección Galega reunirase hoxe no pavillón compostelán Monte dos Postes (19.30 horas) para realizar o último adestramento antes da gran cita. Cataluña será o primeiro rival, o mércores ás 11.00 horas, no pavillón La Lobilla. O xoves o cadro irmandiño medirá as súas forzas a Castela-A Mancha, ás 13.00 horas, e o venres pechará a primeira fase ante Andalucía, ás 19.00 horas.


No resto dos grupos enfrontaranse Murcia, A Rioxa e Estremadura, no segundo; País Vasco, Aragón e Cantabria, no terceiro; e Madrid, Valencia e Castela e León, no cuarto. Para as semifinais clasificarase o primeiro de cada grupo; o sorteo de emparellamentos será o 4 de marzo, cando finalice a última xornada.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.