28/02/2011

Ao Panificadora sóbralle a primeira parte en terras ourensás (4-2)

Ao Panificadora sóbralle a primeira parte en terras ourensás (4-2)

Logo de presenciar o derbi de Honra entre o Cidade das Burgas e o Ponte Ourense, as ribadenses saltaron á pista dos Remedios para enfrontarse ao segundo equipo do Ponte. Aínda que non recolleron vitoria (4-2), as mariñás mostraron unha boa cara e non defraudaron para nada na súa actitude de conseguir os tres puntos.


A saída en tromba das locais, aliadas coa sorte na consecución dos goles, puxo as cousas difíciles ás ribadenses, que tiveron que irse ao descanso cun resultado desfavorable de 3-0.


Na continuación, as de Ribadeo adiantaron as súas liñas e roldaban con perigo a portería local, aínda que foron de novo as ourensás as que alteraron o luminoso. A cadete debutante Silvia conseguiu o 4-1, de tiro cruzado, e posteriormente Marta, en xogada individual ao desfacerse da súa marca, subiu o 4-2, batendo entre as pernas a porteira local. Os mellores momentos do Panificadora chegaron ao final exercendo unha forte presión sobre o rival, aínda que sen repercusión no marcador.


Esta nova derrota non altera as posibilidades de salvación do equipo ribadense, que o vindeiro sábado deberá enfrontarse ao potente Leis Pontevedra na Mariña (18.00 horas). Para este encontro, Martínez poderá contar con Nuria, Sabela e Elvira, ausentes en Ourense.


Provincial feminina. As novas xogadoras do Xoula-Ribadeo FS saíron vencedoras onte do seu compromiso co FSF Lucense, ao que se impuxeron por 3-2. Aínda que as ribadenses se foron con 2-0 ao descanso e posteriormente conseguiron o 3-0, as lucenses, que roldaron con frecuencia a portería local, a punto estiveron de darlle a volta ao marcador.


Provincial masculina. O Ribadeo perdeu gran parte das opcións de ascenso o pasado sábado ao caer derrotado por 4-5, como local, polo correúdo Castroverde, penúltimo clasificado.


 


Ficha técnica


Panificadora do Eo-Ribadeo FS: Carla, Eva, Marta (1), María e Fátima, cinco inicial; tamén xogaron Silvia (1), Iria, Toñi, Arancha e Vanessa.


FSF Mesón Río Ulla: Dolo, Silvia (2), Ana, Jessica e Cris (1), cinco inicial; tamén xogaron Sabela, María, Greta, Cris Pirruccio (1), Ángela, Olga e Bárbara.


Árbitros: Ismael Pardo Figueiral e Pablo E. Guntín Garrido, da delegación de Ourense.


Cartóns amarelos: Silvia, polo Cidade de Ourense, e a Arancha e María, polo Panificadora.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.