25/02/2011

O espectáculo sénior abre as súas portas á EDM EON Burela FS

O espectáculo sénior abre as súas portas á EDM EON Burela FS

O CD Burela FS estreitará os lazos entre os primeiros equipos laranxas e a EDM EON Burela FS achegando o espéctaculo sénior, de Prata e Honra, ao alumnado da escola e as súas familias. Deste xeito, a entidade repartirá entre as pequenas promesas do fútbol sala invitacións para as próximas citas de Vista Alegre, co fin de que os nenos e nenas poidan presenciar os encontros e gozar do ambiente festivo acompañados de seus pais/nais. 


Para esta fin de semana distribuiranse entradas gratuítas nas categorías de Benxamín A e C, Alevín A e B e Infantil Feminino. Tamén están invitados a estes partidos o alumnado e profesorado das escolas deportivas de Cervo e Foz, coas que o club burelista mantén un convenio de colaboración dende o ano pasado, e os CEIP Número 1 de Foz, Vista Alegre de Burela e Álvaro Cunqueiro de Mondoñedo, centros que visitou esta semana a entidade laranxa a través de ‘Coñece o meu Club’, da Secretaría Xeral para o Deporte.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.