17/10/2010

O Burela FS ve escapar os tres puntos no último minuto

O Burela FS ve escapar os tres puntos no último minuto

Os tres puntos escaparon hoxe para o Burela FS fronte ao Extremadura Cáceres (3-3) despois de levar a dianteira na maior parte do encontro.  O tramo final volveu poñer costa arriba os intereses laranxas, que viron como desaparecía a vantaxe e a vitoria no último minuto.


Aínda que o encontro comezou mal para o cadro de Suso Rey, cun gol local por propia porta de Purao, os mariñáns axiña tomaron as rendas. Así, xa no 14, Esteller igualaba o marcador e catro minutos máis tarde, Christian subía o 1-2, co que se anunciaría o período de descanso.


No segundo tempo, o Extremadura conseguiu a igualada no minuto 29, de Sergio, pero en poucos segundos o capitán, Juanma, volveu sacarlles brillo ás súas zapatillas para adiantar de novo os seus (2-3). A falta de cinco minutos para o asubío final, os estremeños optaron polo porteiro-xogador, táctica que deu os seus froitos nas últimas sacudidas, cun lanzamento de Pablo Ángel dentro da área.


Este empate leva os burelistas ata a sexta praza, aínda que empatados co cuarto, UPV Marista Valencia, que se impuxo na casa do Tobarra (4-6), e o quinto, Lanzarote, que tamén venceu ao Navarra (6-4).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.