02/10/2010

O Burela FSF volve cos tres puntos (3-5), logo dun partido intenso

O Burela FSF volve cos tres puntos (3-5), logo dun partido intenso

Loitaron as pupilas de Pardeiro ata arrancar os tres puntos da súa visita á Rioxa (3-5), logo dun inicio de partido igualado, con alternativas para as dúas bandas, ata que no minuto 10 as locais se cargaron con 5 faltas e Lucía transformou, no minuto 11, o 0-1 logo dun rexeitamento nun dobre penalti lanzado por ela mesma. Volveu anotar Lucía no 20 (0-2) de dobre penalti.


As locais reaccionaron na segunda parte, cun xogo moi intenso que rozaba por momentos a agresividade. Peque anotou o 1-2 no minuto 25, non sen antes ver a primeira tarxeta amarela do partido. E non sería a última. No minuto 30 empata Bardi e Maite pon as súas por diante no minuto 31 (3-2). Pero Lidia marca á contra no 34 (3-3).


De aí en diante, as da Rioxa prenderon nas faltas, o que provocou un carrusel de expulsións: Peque viu a segunda amarela no 36 e Maite, que vira a primeira no 35, foi expulsada no 38. Daquela, xa Claudia e Lucía puxeran terra por medio para deixar o electrónico no 3-5 final.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.