27/08/2010

Burela FS e Autos Lobelle disputarán a I Copa Barrios Deportivo de Ourense

Burela FS e Autos Lobelle disputarán a I Copa Barrios Deportivo de Ourense

O Burela FS viaxará mañá á cidade das Burgas para disputar a “I Copa Barrios Deportivo” ante o honorable Xacobeo 2010 Lobelle de Santiago FS, baixo a organización do xornal deportivo ourensán que lle dá nome á cita. O amigable arrancará ás 19.00 horas, no pavillón dos Remedios.


O encontro entre composteláns e burelaos constitúe o broche ao “I Trofeo Barrios Deportivo. Torneo de Campións”, que reuniu a comezos do verán os gañadores das ligas provinciais ourensás, ademais do campión da Copa Deputación; o Sobrado FS fíxose co título fronte ao Muebles Andrade, Lasider DyC, Bar 2 Tempos, Mac Donald’s, Fisaúde, Outumuro e Feás.


A xornada do sábado tamén acollerá nos Remedios a “Supercopa Barrios Deportivo” como antesala do duelo de Honra e Prata; o gañador do trofeo, Sobrado FS, medirase ao A Corna-Concello de Irixo, ás 17.00 horas.


Como novidade nas filas laranxas, o capitán, Juanma, terá a oportunidade de estrearse na pretempada co amigable ante o Lobelle, despois de estar apartado das pistas durante este mes por unha contractura isquiotibial. A única ausencia será a de André, que arrastra problemas de adutores dende a Semana Eypar de Melide; o ala-peche poderá reincorporarse aos adestramentos de pista a vindeira semana.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.